ധോലഹത്ത്: പശ്ചിമ ബംഗാളില്‍ സൗത്ത് 24 പര്‍ഗനാസിലെ താമസക്കാരനായ അല്‍ഫാസുദ്ദീന്‍ പൈക്ക് ഒരു കോടി ലോട്ടറി അടിച്ചു. സര്‍ക്കാര്‍ ഭൂമിയില്‍ കെട്ടിയുണ്ടാക്കിയ കൂരയിലാണ് പൈയും ഭാര്യയും കുഞ്ഞും താമസിച്ചിരുന്നത്. ദിവസവേതനക്കാരനായ ഇയാള്‍ കിട്ടുന്നതിന്‍റെ ഭൂരിഭാഗവും ലോട്ടറി എടുക്കാനായിരുന്നു ചെലവഴിച്ചത്.
ഇതറിയാവുന്ന നാട്ടുകാര്‍ അയാളെ ഭ്രാന്തന്‍ എന്ന് വിളിച്ചു. എന്നാല്‍ കഴിഞ്ഞ ദിവസമാണ് താന്‍ എടുത്തിരിക്കുന്ന ടിക്കറ്റിന് ഒരു കോടി രൂപ സമ്മാനം അടിച്ചതായി അദ്ദേഹം അറിഞ്ഞത്. ഇതോടെ പൈ ലോട്ടറിയുമായി വീട്ടില്‍ നിന്നും ഇറങ്ങി. വാര്‍ത്ത പരന്നതോടെ പൈയെ തേടി നാട്ടുകാരും ബന്ധുക്കളും അന്വേഷണം തുടങ്ങി.