രാജ്യമൊട്ടാകെയുള്ള ക്രിക്കറ്റ് പ്രേമികള്‍ ഇന്ന് (ഒക്‌ടോബര്‍ 14ന്) ഉച്ചയ്‌ക്ക് രണ്ട് മണി ആകാന്‍ കാത്തിരിക്കുകയാണ്. ഇന്ത്യയും പാകിസ്ഥാനും തമ്മിലുള്ള പോരാട്ട വീര്യം കാണുന്നതിനായി രാജ്യത്തിന്‍റെ എല്ലാ കോണുകളിൽ നിന്നുമുള്ള ക്രിക്കറ്റ് ആരാധകർ ദിവസങ്ങളായുള്ള നീണ്ട കാത്തിരിപ്പില്‍ ആയിരുന്നു. ഇന്ത്യ-പാകിസ്ഥാന്‍ മത്സരം എന്നാല്‍ ക്രിക്കറ്റ് പ്രേമികള്‍ക്ക് അന്നും ഇന്നും എന്നും ഒരു ആവേശമാണ് (India Pakistan World Cup cricket match).
ഈ ആവേശത്തിന്‍റെ കൊഴുപ്പു കൂട്ടി ബോളിവുഡ് താരം അനുഷ്‌ക ശര്‍മയും. കളി കാണാന്‍ അനുഷ്‌കയും അഹമ്മദാബാദില്‍ എത്തിയിരിക്കുകയാണ് (Anushka Sharma in Ahmedabad). ഭര്‍ത്താവ് വിരാട് കോലിയെ പിന്തുണയ്‌ക്കാന്‍ അനുഷ്‌ക ശര്‍മ ഇത്തവണയും പതിവ് തെറ്റിച്ചില്ല (Anushka Sharma support her husband Virat Kohli).
അഹമ്മദാബാദിലെ നരേന്ദ്ര മോദി സ്‌റ്റേഡിയത്തില്‍ (Narendra Modi Stadium) ഇന്ന് ഉച്ചയ്‌ക്ക് രണ്ട് മണിക്ക് നടക്കുന്ന ഇന്ത്യ-പാകിസ്ഥാന്‍ ലോക കപ്പ് ക്രിക്കറ്റ് മത്സരത്തിന് ഇനി ഏതാനും മണിക്കൂറുകള്‍ മാത്രം. കോലി തന്‍റെ ടീമിനൊപ്പം ക്രിക്കറ്റ് മൈതാനിയില്‍ ചുവടുവയ്‌ക്കാന്‍ ഒരുങ്ങുമ്പോൾ, ഭര്‍ത്താവിന്‍റെ ചിയര്‍ ലീഡറാകാന്‍ അനുഷ്‌കയും അദ്ദേഹത്തിനൊപ്പം കൂടിയിരിക്കുകയാണ്.
Also Read: Pakistan Players On Virat Kohli:സെറ്റായാല്‍ കോലിയോളം അപകടകാരി മറ്റാരുമില്ല..' ഇന്ത്യന്‍ സ്റ്റാര്‍ ബാറ്ററെ പ്രശംസിച്ച് പാക് താരങ്ങള്‍
മത്സരം തുടങ്ങുന്നതിന് മുമ്പ് ക്രിക്കറ്റ് ഇതിഹാസങ്ങളായ സച്ചിൻ ടെണ്ടുൽക്കർ, ദിനേഷ് കാർത്തിക് എന്നിവര്‍ക്കൊപ്പമുള്ള അനുഷ്‌കയുടെ മനോഹര നിമിഷമാണ് സോഷ്യല്‍ മീഡിയയില്‍ വൈറലാവുന്നത് (Anushka with Sachin Tendulkar and Dinesh Karthik).
ഇതിഹാസങ്ങള്‍ക്കൊപ്പമുള്ള ചിത്രത്തില്‍ കറുത്ത നിറത്തിലുള്ള ഔട്ട്‌ഫിറ്റിലാണ്‌ അനുഷ്‌കയെ കാണാനായത്. വസ്‌ത്രത്തിന് അനുയോജ്യമായ ഒരു കറുത്ത സണ്‍ഗ്ലാസും താരം ധരിച്ചിരുന്നു. ഈ സുപ്രധാന ദിനത്തില്‍ അനുഷ്‌കയുടെ സാന്നിധ്യം ക്രിക്കറ്റ് മാമാങ്കത്തിന് ആവേശം കൂട്ടും എന്നതില്‍ സംശയമില്ല.