അഗർത്തല:തദ്ദേശ തെരഞ്ഞെടുപ്പില്‍ സ്ഥാനാര്‍ഥികളെ ഭീഷണിപ്പെടുത്തി പത്രിക പിൻവലിപ്പിച്ചതായി സിപിഎം. അഗര്‍ത്തലയിലെ 14, 15, 16, 20, 43 വാർഡുകളിലെ ഇടതുസ്ഥാനാർഥികളെ ബിജെപി പ്രവർത്തകർ ഭീഷണിപ്പെടുത്തി സ്ഥാനാർഥിത്വം പിൻവലിപ്പിച്ചുവെന്നാണ് ആരോപണം.
ബിജെപി എംഎൽഎമാരുടെയും മന്ത്രിമാരുടെയും പിന്തുണയോടെ അക്രമം നടന്നതെന്നും സിപിഎം പറയുന്നു. ഇടതുമുന്നണിയിലെ ചില സ്ഥാനാർഥികളുടെ വീടുകൾ തകർത്തതായും സ്ഥാനാർഥികൾക്ക് നേരെ ആക്രമണമുണ്ടായതായും പരാതിയുണ്ട്. വാർഡ് നമ്പർ 48ലെ ഇടതുമുന്നണി സ്ഥാനാർഥിയുടെ നിർദേശകനായ നിബിർ ചക്രവർത്തിക്ക് മാരകമായി പരിക്കേറ്റു. നിബിർ ചക്രവർത്തിയെ ചികിത്സക്കായി കൊൽക്കത്തയിലേക്ക് കൊണ്ടുപോയി.