ന്യൂഡല്‍ഹി: മൂന്നാം തരംഗ ഭീഷണി നിലനില്‍ക്കുന്നതിനിടെ, രാജ്യത്ത് കൊവിഡ് കേസുകളില്‍ വര്‍ധനവ്. കേന്ദ്ര ആരോഗ്യ മന്ത്രാലയം പുറത്ത് വിട്ട കണക്കുകള്‍ പ്രകാരം, 24 മണിക്കൂറിനിടെ 44,230 കൊവിഡ് കേസുകളാണ് റിപ്പോര്‍ട്ട് ചെയ്‌തത്. ജൂലൈ 7ന് ശേഷമുള്ള ഏറ്റവും ഉയര്‍ന്ന നിരക്കാണിത്.
555 പേര്‍ കൊവിഡിന് കീഴടങ്ങിയതോടെ രാജ്യത്തെ മരണനിരക്ക് 4,23,217 ആയി ഉയര്‍ന്നു. രോഗമുക്തി നിരക്ക് 97.38 ശതമാനമാണ്. രാജ്യത്ത് ഇതുവരെ കൊവിഡ് ബാധിതരായവരുടെ എണ്ണം 3,07,43,972 ആണ്. ദക്ഷിണേന്ത്യയിലും വടക്ക് കിഴക്കന്‍ സംസ്ഥാനങ്ങളിലുമാണ് കൊവിഡ് കേസുകള്‍ ഉയര്‍ന്ന് നില്‍ക്കുന്നത്.