ന്യൂഡൽഹി: ക്രയോജനിക് ഓക്സിജൻ കണ്ടെയ്നറുകൾ ഉൾപ്പടെയുള്ള മെഡിക്കൽ ഉപകരണങ്ങൾ ഇന്ത്യയിലെത്തിച്ച് വ്യോമസേന. 180 ക്രയോജനിക് ഓക്സിജൻ കണ്ടെയ്നറുകൾ, ഓക്സിജൻ സിലിണ്ടറുകൾ, ഓക്സിജൻ പ്ലാന്റ് ഉപകരണങ്ങൾ, അവശ്യ മരുന്നുകൾ, ആശുപത്രി ഉപകരണങ്ങൾ എന്നിവയാണ് വിദേശ രാജ്യങ്ങളിൽ നിന്ന് ഇന്ത്യയിലെത്തിച്ചത്. ഇന്ത്യയിലെ കൊവിഡ് സാഹചര്യങ്ങൾ മോശമാകുന്ന സാഹചര്യത്തിലാണ് ഈ നടപടി.
വ്യോമസേനയുടെ റാപ്പിഡ് ആക്ഷൻ മെഡിക്കൽ സംഘം, ഇന്ത്യൻ നാവികസേനയിലെ മെഡിക്കൽ ഓഫീസർമാർ തുടങ്ങിയവരും എയർലിഫ്റ്റിന്റെ ഭാഗമായി. എട്ട് സി-17, നാല് ഐഎൽ-76, പത്ത് സി-130, 20 ആൻ-32 എയർക്രാഫ്റ്റ്, മി-17V5, ചിനൂക് ഹെലികോപ്റ്ററുകൾ എന്നിവയും വ്യോമസേനയുടെ പ്രവർത്തങ്ങളുമായി സഹകരിച്ചു. 360 മണിക്കൂറുകളോളമാണ് വ്യോമസേന പ്രവർത്തനം നടത്തിയത്.