ചെന്നൈ:വാഹന പരിശോധനക്കിടെ അമിതവേഗതയിൽ വന്ന ഓട്ടോറിക്ഷ ഇടിച്ച് ഡ്യൂട്ടിയിലായിരുന്ന സബ് ഇൻസ്‌പെക്‌ടർക്ക് പരിക്ക്. തമിഴ്‌നാട് നുങ്കമ്പാക്കം പൊലീസ് സ്റ്റേഷൻ സബ് ഇൻസ്‌പെക്‌ടർ പൊൻരാജിനാണ് പരിക്കേറ്റത്. ഏപ്രിൽ മൂന്നിന് രാത്രിയാണ് സംഭവം.
പൊലീസ് ഉദ്യോഗസ്ഥനെ ഇടിച്ചുതെറിപ്പിച്ച ശേഷം ഓട്ടോ നിർത്താതെ പോയി. ഗുരുതരമായി പരിക്കേറ്റ പൊൻരാജിനെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തിൽ ഓട്ടോ ഡ്രൈവർക്കെതിരെ കേസെടുത്തതായും സമീപത്ത് നിന്ന് ലഭിച്ച സിസിടിവി ദൃശ്യങ്ങൾ ഉപയോഗിച്ച് വാഹനത്തിനായി തെരച്ചിൽ നടത്തുന്നതായും പൊലീസ് അറിയിച്ചു.
ALSO READ:മകനെയുൾപ്പെടെ കൗമാരക്കാരായ വിദ്യാർഥികളെ ലൈംഗിക ചൂഷണത്തിനിരയാക്കിയ അധ്യാപിക അറസ്റ്റിൽ