സിർമൗർ :വിവാഹ ചടങ്ങിനിടെ ജാതി തിരിച്ച് ഭക്ഷണം വിതരണം ചെയ്‌ത സംഭവത്തില്‍ കേസെടുത്ത് പൊലീസ്. ഹിമാചൽ പ്രദേശിലുണ്ടായ സംഭവത്തില്‍ ദലിത് സംഘടനകളുടെ പരാതിയെ തുടര്‍ന്നാണ് പൊലീസ് കേസെടുത്തത്. പന്തലില്‍ ജാതി തിരിച്ച്, അതിരുനിശ്ചയിച്ച് ഇരുത്തിയാണ് ഭക്ഷണ വിതരണം.
മൈക്കില്‍ അറിയിപ്പ് നല്‍കി, വ്യത്യസ്‌തമായ ഭക്ഷണമാണ് വിളമ്പിയത്. സംഭവം സാമൂഹ്യ മാധ്യമങ്ങളില്‍ പ്രചരിച്ചതോടെ വന്‍ വിമര്‍ശനമാണ് ഉയര്‍ന്നത്. ഇ.ടി.വി ഭാരത് നടത്തിയ അന്വേഷണത്തില്‍ ഷില്ലായി പ്രദേശത്തെ പോട്ട മണൽ പഞ്ചായത്തിലായിരുന്നു സംഭവം.
ഹിമാചല്‍ പ്രദേശ് ഷില്ലായിലെ വിവാഹ ചടങ്ങില്‍ ജാതി തിരിച്ച് ഭക്ഷണ വിതരണം