ഹൈദരാബാദ് : സ്വകാര്യ ദൃശ്യങ്ങള്‍ പകര്‍ത്തി ഭീഷണിപ്പെടുത്തി പ്രായപൂര്‍ത്തിയാകാത്ത പെണ്‍കുട്ടിയെ നിരന്തരം പീഡിപ്പിച്ച 19കാരന്‍ പിടിയില്‍. 15 കാരിയുടെ പരാതിയില്‍ അമിത് വർദ്ധൻ എന്നയാളെയാണ് മീർപേട്ട് പൊലീസ് അറസ്റ്റ് ചെയ്‌തത്. കച്ചിഗുഡയിൽ പ്ലസ്‌ ടു വിദ്യാര്‍ഥിനിയാണ് പെണ്‍കുട്ടി.
ഇതേ സ്കൂളില്‍ തന്നെയാണ് അമിത് വർദ്ധനും പഠിച്ചിരുന്നത്. ഒരു വര്‍ഷം മുമ്പ് പെണ്‍കുട്ടിയെ പരിചയപ്പെട്ട ഇയാള്‍ പ്രണയാഭ്യാര്‍ഥന നടത്തി അടുപ്പം സ്ഥാപിക്കുകയായിരുന്നു. തുടര്‍ന്ന് കഴിഞ്ഞ ഫെബ്രുവരിയില്‍ പെണ്‍കുട്ടിയുടെ വീട്ടിലെത്തിയ പ്രതി വിവാഹം കഴിക്കാമെന്ന് വിശ്വസിപ്പിച്ച് പീഡിപ്പിച്ചു.