ന്യൂഡൽഹി: ബ്ലാക്ക് ഫംഗസ് പ്രതിരോധത്തിന് ആംഫോട്ടെറിസിൻ-ബി മരുന്നുകൾ സംസ്ഥാനങ്ങൾക്ക് വിതരണം ചെയ്‌ത് കേന്ദ്ര സർക്കാർ. കഴിഞ്ഞ ഒൻപത് ദിവസത്തിനുള്ളിൽ 3,21,100 വയല്‍ മരുന്നാണ് കേന്ദ്രം വിതരണം ചെയ്‌തത്.
Also Read:കർഷകരുമായി ചർച്ചയ്‌ക്ക് തയ്യാറെന്ന് നരേന്ദ്ര സിംഗ് തോമർ
കേന്ദ്രമന്ത്രി മൻസുഖ് മണ്ഡാവിയ ട്വിറ്ററിലൂടെയാണ് ഇക്കാര്യം അറിയിച്ചത്. നിലവിലെ ആവശ്യം പരിഗണിച്ച് ലിപ്പോസോമലും കൺവെൻഷണൽ ആംഫോട്ടെറിസിൻ-ബി മരുന്നുകളും കൂടുതൽ നിർമിക്കാനും ഇറക്കുമതി ചെയ്യാനുമുള്ള ശ്രമത്തിലാണ് കേന്ദ്രമെന്നും മന്ത്രി അറിയിച്ചു.
ബ്ലാക്ക് ഫംഗസ് അല്ലെങ്കിൽ മ്യൂക്കോമൈക്കോസിസ് ചികിത്സയ്‌ക്ക് ലിപ്പോസോമൽ, ആംഫോട്ടെറിസിൻ ബി മരുന്നുകളുടെ ഉത്പാദനം വർധിപ്പിക്കാൻ മെയ് 27 ന് കേന്ദ്ര സർക്കാർ അഞ്ച് കമ്പനികൾക്ക് അനുമതി നൽകിയിരുന്നു.