ഓടുന്ന ട്രെയിനിൽ നിന്നും പുഴയിൽ വീണ യുവതിയെ കാണാതായി

അമ്മയോടൊപ്പം ബെംഗളൂരുവില്‍ നിന്ന് ഷിമോഗയിലേക്ക് പോയ ഇവർ ഇന്‍റർ സിറ്റി ട്രെയിനിലാണ് സഞ്ചരിച്ചിരുന്നത്.

ഷിമോഗ:കർണാടകയിൽ ഓടുന്ന ട്രെയിനിൽ നിന്നും പുഴയിൽ വീണ യുവതിയെ കണാതായി. സഹാന (24) എന്ന യുവതിയെയാണ് കണാതായത്. അമ്മയോടൊപ്പം ബെംഗ്ലൂരിൽ നിന്ന് ഷിമോഗയിലേക്ക് പോയ ഇവർ ഇന്‍റർ സിറ്റി ട്രെയിനിലാണ് സഞ്ചരിച്ചിരുന്നത്.ട്രെയിനിന്‍റെ വാതിലിനടുത്ത് നിന്ന് ഫോണിൽ സംസാരിക്കുമ്പോഴാണ് അപകടം സംഭവിച്ചത്. അപകട സമയം ട്രെയിനിൽ ഷിമോഗ ടൗണിലെ റെയിൽ പാലം കടക്കുകയായിരുന്നു.

യുവതിക്ക് ഇറങ്ങേണ്ട സ്ഥലത്ത് നിന്നും ഒരു കിലോ മീറ്റർ അകലത്തിലാണ് അപകടം സംഭവിച്ചത്. യുവതിയുടെ അമ്മയുടെ മൊഴിയുടെ അടിസ്ഥാനത്തിൽ പ്രദേശത്ത് തെരച്ചിൽ ആരംഭിച്ചു.