ഓടികൊണ്ടിരുന്ന ബസിനുള്ളില്‍ യുവതിക്ക് നേരെ പീഡന ശ്രമം

20 വയസ് കഴിഞ്ഞ യുവാവാണ് പാർക്ക് സ്ട്രീറ്റ്- ജവഹർലാല്‍ നെഹ്‌റു റോഡ് മുറിച്ച് കടക്കുന്നതിനിടെ ബസില്‍ നിന്ന് ഇറങ്ങാൻ നിന്ന പെൺകുട്ടിയെ പീഡിപ്പിച്ചതെന്നും പൊലീസ് പറഞ്ഞു.

കൊല്‍ക്കത്ത: നഗരത്തില്‍ ഓടി കൊണ്ടിരുന്ന ബസിനുള്ളില്‍ യുവതിക്ക് നേരെ പീഡന ശ്രമം. നഗര മധ്യത്തിലെ എസ്‌പ്ലനൈഡ് മേഖലയിലാണ് രാവിലെ 10 മണിയോടെ ബസിനുള്ളില്‍ പെൺകുട്ടിയെ ആക്രമിച്ചതെന്ന് പൊലീസ് ഉദ്യോഗസ്ഥൻ പറഞ്ഞു. 20 വയസ് കഴിഞ്ഞ യുവാവാണ് പാർക് സ്ട്രീറ്റ്- ജവഹർലാല്‍ നെഹ്‌റു റോഡ് മുറിച്ച് കടക്കുന്നതിനിടെ ബസില്‍ നിന്ന് ഇറങ്ങാൻ നിന്ന പെൺകുട്ടിയെ പീഡിപ്പിച്ചതെന്നും പൊലീസ് പറഞ്ഞു. പെൺകുട്ടിയുടെ പരാതിയില്‍ പൊലീസ് കേസെടുത്തിട്ടുണ്ട്. പെൺകുട്ടിയുടെ കരച്ചില്‍ കേട്ട ബസിലെ മറ്റ് യാത്രക്കാരാണ് ഇയാളെ പിടികൂടി പൊലീസില്‍ ഏല്‍പിച്ചത്. സംഭവത്തില്‍ അന്വേഷണം പുരോഗമിക്കുകയാണെന്നും പൊലീസ് അറിയിച്ചു.