ഇംഫാല്‍: അസം റൈഫിള്‍സിലെ ഉദ്യോഗസ്ഥന്‍ പീഡിപ്പിച്ചുവെന്ന പരാതിയുമായി വനിതാ ഐപിഎസ് ഉദ്യോഗസ്ഥ. പരാതിയില്‍ റൈഫിള്‍മാന്‍ പി.കെ പാണ്ഡെക്കെതിരെ പൊലീസ് കേസെടുത്തു. മണിപ്പൂരിലെ തെങ്കുനോപാല്‍ ജില്ലയിലെ മോറ നഗരത്തിലെ ചെക്ക് പോസ്റ്റില്‍ വച്ചാണ് പീഡനത്തിന് ഇരയാക്കിയതെന്നാണ് പരാതി. റൈഫിള്‍മാന്‍ പി.കെ പാണ്ഡെയോട് സ്റ്റേഷനില്‍ നേരിട്ട് ഹാജരാക്കാന്‍ പൊലീസ് ആവശ്യപ്പെട്ടിട്ടുണ്ട്.
പീഡന പരാതിയുമായി ഐപിഎസ് ഉദ്യോഗസ്ഥ
അസം റൈഫിള്‍സിലെ ഉദ്യോഗസ്ഥന്‍ പീഡിപ്പിച്ചുവെന്ന പരാതിയില്‍ റൈഫിള്‍മാന്‍ പി.കെ പാണ്ഡെക്കെതിരെ പൊലീസ് കേസെടുത്തു
പീഡിപ്പിച്ചുവെന്ന പരാതിയുമായി വനിതാ ഐ.പി.എസ് ഉദ്യോഗസ്ഥ
ചെക്ക് പോസ്റ്റില്‍ ഔദ്യോഗിക വാഹനത്തില്‍ തന്നോടും അകമ്പടിയായെത്തിയ ഉദ്യാഗസ്ഥനോടും മോശമായി പെരുമാറിയെന്നും ഉപദ്രവിക്കുകയും അപമാനിക്കുകയും ചെയ്‌തുവെന്നും ഐപിഎസ് ഉദ്യോഗസ്ഥ പറയുന്നു. തിരിച്ചറിയല്‍ കാര്‍ഡ് കാണിച്ചിട്ടും തടഞ്ഞുവച്ചുവെന്നും ഉദ്യോഗസ്ഥന്‍ അശ്ലീല ഭാഷയില്‍ സംസാരിച്ചുവെന്നും ഉദ്യോഗസ്ഥ പരാതിയില്‍ വ്യക്തമാക്കി. വിഷയം അസം റൈഫിള്‍സിലെ ഉന്നത ഉദ്യോഗസ്ഥരുടെ ശ്രദ്ധയില്‍പെടുത്തിയിട്ടുണ്ടെന്ന് പൊലീസ് പറഞ്ഞു.