ന്യൂഡല്‍ഹി: ചന്ദ്രനില്‍ ഇറങ്ങാനുള്ള ഇന്ത്യയുടെ ശ്രമങ്ങള്‍ തുടരുമെന്ന് ഐ.എസ്.ആര്‍.ഒ ചെയര്‍മാന്‍ കെ.ശിവന്‍. ചാന്ദ്രയാന്‍-2 ഇന്ത്യയുടെ അവസാന ശ്രമം ആയിരുന്നില്ല. അനുഭവ സമ്പത്തും സാങ്കേതിക വൈദഗ്‌ധ്യവും ഉപയോഗിച്ച് ചന്ദ്രനില്‍ സോഫ്റ്റ്ലാന്‍ഡിങ്ങിനുള്ള ശ്രമം ഉടന്‍ തന്നെ ഉണ്ടാകുമെന്നും അദ്ദേഹം ഡല്‍ഹിയില്‍ വ്യക്തമാക്കി.
ചന്ദ്രനിലിറങ്ങാന്‍ ശ്രമം തുടരുമെന്ന് ഐ.എസ്.ആര്‍.ഒ
അനുഭവ സമ്പത്തും സാങ്കേതിക വൈദഗ്‌ധ്യവും ഉപയോഗിച്ച് ചന്ദ്രനില്‍ സോഫ്റ്റ്ലാന്‍ഡിങ്ങിനുള്ള ശ്രമം ഉടന്‍ തന്നെ ഉണ്ടാകുമെന്ന് ഐ.എസ്.ആര്‍.ഒ ചെയര്‍മാന്‍ കെ.ശിവന്‍.
ചന്ദ്രയാൻ
വിക്രം ലാന്‍ഡറിന്‍റെ സോഫ്റ്റ്ലാന്‍ഡിങ് പരാജയപ്പെട്ടതിന്‍റെ കാരണങ്ങള്‍ ഐ.എസ്.ആര്‍.ഒ ശേഖരിച്ചിട്ടുണ്ട്. തുടര്‍ ശ്രമങ്ങള്‍ക്ക് ഈ വിവരങ്ങള്‍ സഹായകരമാകുമെന്നും കെ.ശിവന്‍ പറഞ്ഞു. സൂര്യനേയും ബഹിരാകാശത്തേയും ലക്ഷ്യമിട്ടുള്ള ഇന്ത്യയുടെ ദൗത്യങ്ങള്‍ പുരോഗമിക്കുകയാണ്. ആദിത്യ എല്‍ 1 സോളാര്‍ മിഷന്‍, മനുഷ്യന്‍റെ ബഹിരാകാശ യാത്രാ പദ്ധതി തുടങ്ങിയവക്കൊപ്പം വരും മാസങ്ങളില്‍ ഉപഗ്രഹ വിക്ഷേപണങ്ങളും ഉണ്ടാകുമെന്ന് അദ്ദേഹം വ്യക്തമാക്കി.