ഹൂഗ്ലി നദിയിൽ ബോട്ട് മറിഞ്ഞ് യുവതിയെ കാണാതായി

യുവതിക്കായി ദുരന്ത നിവാരണ സേനയിലെ ഉദ്യോഗസ്ഥരും തിരച്ചിൽ നടത്തുകയാണ്.

കൊൽക്കത്ത:ഹൂഗ്ലി നദിയിൽ ബോട്ട് മറിഞ്ഞ് യുവതിയെ കാണാതായി. സൗത്ത് 24 പർഗാനാസ് ജില്ലയിലെ ബഡ്ജ് ബഡ്ജിൽ നിന്ന് ഹൗറ ജില്ലയിലെ ബൗരിയയിലേക്ക് ഒൻപത് പേരുമായി പോയ ബോട്ടാണ് അപകടത്തിൽ പെട്ടത്. ഡാൻസ് ട്രൂപ്പിലെ അംഗങ്ങളാണ് ബോട്ടിലുണ്ടായിരുന്നത്. ഹോളിയോടനുബന്ധിച്ച് സാംസ്കാരിക ചടങ്ങിൽ പങ്കെടുക്കാനാണ് നാല് യുവാക്കളും അഞ്ച് യുവതികളുമടങ്ങുന്ന സംഘം ഹൗറയിലേക്ക് പുറപ്പെട്ടത്.

ബോട്ടിലുണ്ടായിരുന്ന എട്ട് പേരും ബോട്ടിന്‍റെ ഡ്രൈവറും കരയിലേക്ക് നീന്തിക്കയറി. എന്നാൽ യുവതിയെ കണ്ടെത്താനായില്ല.യുവതിക്കായി ദുരന്ത നിവാരണ സേന ഉദ്യോഗസ്ഥർ തിരച്ചിൽ നടത്തുകയാണ്.