ഭര്‍തൃ സഹോദരന്‍ പീഡിപ്പിച്ചു; പരാതി നല്‍കിയ ഭാര്യയെ മുത്തലാഖ് ചൊല്ലി
മുത്തലാഖ് ചൊല്ലിയ ഭർത്താവിനെതിരെ പൊലീസ് മുത്തലാഖ് നിരോധന നിയമപ്രകാരം കേസെടുത്തു
ഭര്‍തൃ സഹോദരന്‍ പീഡിപ്പിച്ചു; പരാതി നല്‍കിയ ഭാര്യയെ പൊലീസുകാരന്‍ മുത്തലാഖ് ചൊല്ലി
ലക്‌നൗ: ഉത്തര്‍പ്രദേശില്‍ ഭര്‍തൃ സഹോദരന്‍ പീഡിപ്പിച്ചെന്നാരോപിച്ച് പരാതി നല്‍കിയ ഭാര്യയെ മുത്തലാഖ് ചൊല്ലിയ പൊലീസ് കോണ്‍സ്റ്റബിളിനെതിരെ കേസെടുത്തു.ബുധനാഴ്ചയാണ് പൊലീസുകാരന്‍റെ സഹോദരനെതിരെ സംഭല്‍ സ്വദേശിയായ യുവതി പരാതി നല്‍കിയത്. ഇതേ തുടര്‍ന്ന് പൊലീസുകാരന്‍ പരാതി പിന്‍വലിക്കാനാവശ്യപ്പെട്ടു. ആവശ്യം നിരാകരിച്ച ഭാര്യയെ തുടർന്ന് ഫോണിലൂടെ മൊഴിചൊല്ലുകയായിരുന്നു. ഇതിനെതിരെ യുവതി വീണ്ടും പരാതി നല്‍കി. തുടർന്ന് ഭോജ്‌പൂര്‍ പൊലീസ് മുത്തലാഖ് നിരോധന നിയമ പ്രകാരം യുവതിയുടെ ഭർത്താവിനെതിരെ കേസെടുക്കുകയായിരുന്നു.