തമിഴ്‌നാട്ടിൽ ഒരാളിൽ നിന്ന് 92 പേർക്ക് കൊവിഡ് ബാധിച്ചെന്ന് ആരോഗ്യ മന്ത്രാലയം
ഇന്ന് തമിഴ്‌നാട്ടിൽ 98 കൊവിഡ് കേസുകളാണ് റിപ്പോർട്ട് ചെയ്‌തത്
ഒരാളിൽ നിന്ന് 92 പേർക്ക് കൊവിഡ് ബാധിച്ചതെന്ന് ആരോഗ്യ മന്ത്രാലയം
ചെന്നൈ: സംസ്ഥാനത്ത് ഇന്ന് റിപ്പോർട്ട് ചെയ്‌ത 98 കേസുകളിൽ 92 പേരും രോഗബാധിതരായത് ഒരേ പ്രൈമറി കോൺടാക്‌ടിൽ നിന്നെന്ന് ആരോഗ്യ മന്ത്രാലയം. ഇതോടെ സംസ്ഥാനത്തെ കൊവിഡ് കേസുകൾ 1173 ആയി. സെക്കന്‍ററി കോൺടാക്‌റ്റ് മുഖേനയാണ് മറ്റുള്ള ആറ് പേരും രോഗബാധിതരായതെന്ന് ആരോഗ്യ സെക്രട്ടറി ബീല രാജേഷ് പറഞ്ഞു. ഇന്നലെ തമിഴ്‌നാട്ടിൽ 106 കൊവിഡ് കേസുകളാണ് സ്ഥിരീകരിച്ചത്. അതേ സമയം സംസ്ഥാനത്തെ കൊവിഡ് മരണ സംഖ്യ 11 ആയി. സംസ്ഥാനത്ത് 58 പേരാണ് രോഗം മാറി ഇതുവരെ ആശുപത്രി വിട്ടത്.