മധ്യപ്രദേശിൽ വാഹനാപകടത്തിൽ മൂന്ന് മരണം; അഞ്ച് പേർക്ക് പരിക്ക്

കാറും മിനി കാർഗോയുമായി കൂട്ടിയിടിച്ചാണ് അപകടം ഉണ്ടായത്.

ഭോപ്പാൽ: സംസ്ഥാനത്ത് വാഹനാപകടത്തിൽ മൂന്ന് പേർ മരിച്ചു. കാറും മിനി കാർഗോയുമായി കൂട്ടിയിടിച്ചാണ് അപകടം ഉണ്ടായത്. മിനി കാർഗോയുടെ ഡ്രൈവർ അടക്കം മൂന്ന് പേരാണ് സംഭവ സ്ഥലത്ത് വെച്ച് മരിച്ചത്. അഞ്ച് പേർക്ക് പരിക്കേറ്റു. ജബൽപൂരിൽ നിന്ന് 32 കിലോമീറ്റർ അകലെയുള്ള ഗോസാൽപൂർ ഗ്രാമത്തിൽ വെച്ചാണ് അപകടം ഉണ്ടായത്. പരിക്കേറ്റവരെ ആശുപത്രിയിലെത്തിച്ചു.