സർക്കാരിന് പോലും പിന്തുണ നൽകുന്ന എൻജിഒകൾ
നിലവിൽ സമൂഹം നേരിട്ട് കൊണ്ടിരിക്കുന്ന അപകട സ്ഥിതിവിശേഷവുമായി പൊരുത്തപ്പെട്ട് പോകുന്നതിന് ജനങ്ങളെ സഹായിക്കുന്നതിൽ നിർണായകമായ പങ്കാണ് സന്നദ്ധ സംഘടനകൾ വഹിച്ച് വരുന്നത്. കൊവിഡ് പകർച്ച വ്യാധി അത് ഒരിക്കൽ കൂടി തെളിയിക്കുകയും ചെയ്തു. കൊവിഡ് കാലത്ത് സർക്കാർ എടുത്തു വരുന്ന ആശ്വാസ നടപടികളുമായി ബന്ധപ്പെട്ട് രണ്ട് സാമൂഹ്യ പ്രവർത്തകർ നൽകിയ പൊതു താൽപര്യ ഹരജി പരിഗണിക്കവേ സുപ്രീം കോടതിയിൽ ഈയിടെ നടന്ന വിചാരണ വേളയിൽ സർക്കാർ ഇത് സംബന്ധിച്ച് പ്രഖ്യാപനം നടത്തുകയും ചെയ്തു. അടച്ചു പൂട്ടൽ കാലത്ത് വിവിധ സർക്കാരുകൾ രാജ്യത്ത് ഉടനീളം 578 ജില്ലകളിലായി 22,547 സഹായ കേന്ദ്രങ്ങൾ ആരംഭിക്കുകയുണ്ടായി. അതിൽ ഏതാണ്ട് 4000-ത്തോളം കേന്ദ്രങ്ങൾ ആതുര സേവന സ്ഥാപനങ്ങൾ ആണ് നടത്തുന്നതെന്ന് കോടതിക്ക് നൽകിയ ഒരു റിപ്പോർട്ടിൽ പറയുന്നു. അടച്ചു പൂട്ടൽ വേളയിൽ ഏതാണ്ട് 54 ലക്ഷം അതിഥി തൊഴിലാളികൾക്ക് വിവിധ സർക്കാരുകളാണ് ഭക്ഷണം നൽകിയതെങ്കിൽ ഏതാണ്ട് 30 ലക്ഷം അതിഥി തൊഴിലാളികൾക്ക് ആഹാരം നൽകിയത് ആതുര സേവന സ്ഥാപനങ്ങൾ ആണ്. 13 സംസ്ഥാനങ്ങളിൽ അതിഥി തൊഴിലാളികൾക്ക് ഭക്ഷണം നൽകനതിൽ സജീവമായിരുന്നു ആതുര സേവന സ്ഥാപനങ്ങൾ എന്ന് റിപ്പോർട്ടിൽ പറയുന്നു. ഈ സംഘടനകൾ ഗുജറാത്ത്, മിസോറം, കേരളം, തെലങ്കാന, ആന്ധ്ര പ്രദേശ് എന്നീ സംസ്ഥാനങ്ങളിൽ സജീവമായിരുന്നു.. ചുഴലി കൊടുങ്കാറ്റ്, ഭൂചലനം, ക്ഷാമം, സുനാമികൾ , വെള്ളപ്പൊക്കം, തീപിടുത്തം, മറ്റ് പകർച്ച വ്യാധികൾ എന്നിങ്ങനെയുള്ള പല പ്രകൃതി ദൂരന്തങ്ങളുടെയും സാഹചര്യങ്ങളിൽ അതിനാൽ ബാധിക്കപ്പെട്ട പൗരന്മാരുടെ ആവശ്യങ്ങൾ നിറവേറ്റുന്ന കാര്യത്തിൽ സർക്കാർ കഴിഞ്ഞാൽ തൊട്ടടുത്ത നിർണായക പങ്ക് വഹിക്കുന്നത് ആതുര സേവന സ്ഥാപനങ്ങളും സർക്കാർ ഇതര സ്ഥാപനങ്ങളുമാണെന്ന് ഒരിക്കൽ കൂടി തെളിയിക്കപ്പെട്ടിരിക്കുന്നു.
സേവനത്തിന് ചേർന്ന തരത്തിൽ തൊഴിൽ
ന്യൂഡൽഹിയിലെ കേന്ദ്ര സ്ഥിതിവിവര കണക്ക് ഓഫീസ് (സിഎസ്ഒ) നൽകുന്ന കണക്ക് പ്രകാരം രാജ്യത്ത് 30 ലക്ഷം ആതുര സേവന സർക്കാർ ഇതര സ്ഥാപനങ്ങളുണ്ട്. നഗര പ്രദേശങ്ങളിൽ 1000 പേർക്കും നാല് ആതുര സേവന സ്ഥാപനങ്ങളും ഗ്രാമ പ്രദേശങ്ങളിൽ രണ്ടും വീതമുണ്ട്. സാമൂഹിക വികസനത്തിൽ നിർണായക പങ്ക് വഹിക്കുന്ന എൻജിഒകൾ മാറുന്ന കാലത്തിനനുസൃതമായി നമ്മളും മാറേണ്ടതിന്റെ ആവശ്യകതയും അതിനു വേണ്ടി നടപ്പിലാക്കേണ്ടതായിട്ടുള്ള പ്രക്രിയകളും മറ്റും സര്ക്കാരിന് നിര്ദേശിക്കുകയാണ് ചെയ്യുന്നത്. ചോദ്യം ചെയ്യല്, ഭരണത്തില് കൂടുതല് സുതാര്യത കൊണ്ടു വരിക, നിയമ നിര്മ്മാണത്തിനാവശ്യമായ വിവരങ്ങള് നല്കുക, ഭരണ നിര്വ്വഹണത്തില് ഉണ്ടാകുന്ന പിഴവുകള് ഉയര്ത്തി കാട്ടുക എന്നിവയൊക്കെയാണ് ഈ ആതുര സേവന സംഘടനകളുടെ മുഖ്യമായ ലക്ഷ്യങ്ങള്. തൊഴിലിടങ്ങളിലെ ലൈംഗിക പീഢനങ്ങള് തുടച്ചു നീക്കുന്നതിനുള്ള 'വിശാഖ മാര്ഗ്ഗ നിര്ദേശങ്ങള്'', പരിസ്ഥിതി, ആവാസ വ്യവസ്ഥ സംരക്ഷണം സംബന്ധിച്ചുള്ള 'സമതാ വിധി'', ഭിന്ന ലൈംഗിക ശേഷിക്കാരുടെ അവകാശങ്ങളുമായി ബന്ധപ്പെട്ട ഐപിസി 377 ആം വകുപ്പ് നീക്കം ചെയ്യല്, വിവരാവകാശ നിയമം കൊണ്ടു വരല്, ലോക്പാല് ബില് എന്നിവയൊക്കെ ആതുര സേവന സ്ഥാപനങ്ങളുടെ ഏതാനും ചില ആതുര സേവന ശ്രമങ്ങളാണ്. ഈ സംഘടനകള് നിരവധി പൗരന്മാര്ക്ക് തൊഴില് ലഭ്യമാക്കുന്ന വിധം സാമൂഹിക വികസനത്തില് സജീവമായി പങ്കാളിത്തം വഹിച്ചു വരുന്നു.