സുഭാഷ് ചോപ്ര ഡൽഹി പിസിസി അധ്യക്ഷൻ

മുന്‍ പ്രസിഡന്‍റ്  ഷീലാ ദീക്ഷിത് അന്തരിച്ചതിനെ തുടര്‍ന്നുണ്ടായ ഒഴിവിലാണ് ചോപ്രയെ നിയമിച്ചത്

ന്യൂഡൽഹി: കോൺഗ്രസ് നേതാവ് സുഭാഷ് ചോപ്രയെ ഡൽഹി പിസിസി അധ്യക്ഷനായി തെരഞ്ഞെടുത്തു . മുന്‍ പ്രസിഡന്‍റ് ഷീലാ ദീക്ഷിത് അന്തരിച്ചതിനെ തുടര്‍ന്നുണ്ടായ ഒഴിവിലാണ് ചോപ്രയെ നിയമിച്ചത്. കീർത്തി ആസാദിനെ പ്രചാരണ കമ്മിറ്റി അധ്യക്ഷനായും നിയമിച്ചിട്ടുണ്ട്. ഡൽഹിയിലുളള പാർട്ടി നേതാക്കളുമായി കോണ്‍ഗ്രസ് ഇടക്കാല അധ്യക്ഷ സോണിയാ ഗാന്ധി നടത്തിയ ചർച്ചക്ക് ശേഷമാണ് നിയമനം . ഡൽഹിയിൽ നിയമസഭാ തെരഞ്ഞെടുപ്പ് അടുക്കുന്നതിനിടെയാണ് പിസിസി അധ്യക്ഷ സ്ഥാനത്തേക്ക് സുഭാഷ് ചോപ്രയെ തെരഞ്ഞെടുത്തത്.