ഗംഗാ നദിയിൽ ബോട്ട് മറിഞ്ഞ് ആറ് മരണം

40 തൊഴിലാളികളുമായി പോയ ബോട്ടാണ് അപകടത്തിൽപെട്ടത്

ലക്‌നൗ:ഗംഗാ നദിയിൽ ബോട്ട് മറിഞ്ഞ് ആറ് പേർ മരിച്ചു. ഉത്തർപ്രദേശിലെ ചന്ദോലി ജില്ലയിൽ ശനിയാഴ്‌ച വൈകുന്നേരമാണ് അപകടം നടന്നത്. ദേശീയ ദുരന്ത നിവാരണ സേനയാണ് രക്ഷാപ്രവർത്തനം നടത്തിയത്. 40 തൊഴിലാളികളുമായി പോയ ബോട്ടാണ് നദിയുടെ മധ്യഭാഗത്ത് വെച്ച് അപകടത്തിൽപെട്ടത്. കുറച്ചുപേർ നീന്തി രക്ഷപ്പെടുകയും മറ്റുള്ളവരെ കാണാതായെന്നും റിപ്പോർട്ടുകളുണ്ട്. ഗാസിപൂരിൽ നിന്നും മഹേജി വില്ലേജിലേക്ക് പോയവരാണ് ബോട്ടിലുണ്ടായിരുന്നത്. സംഭവത്തിൽ യുപി മുഖ്യമന്ത്രി യോഗി ആദിത്യനാഥ് അനുശോചനം അറിയിച്ചു.