പരിഷ്‌കരണങ്ങൾക്ക് പ്രധാനമന്ത്രിയെയും ധനമന്ത്രിയെയും അഭിനന്ദിച്ച് അമിത് ഷാ

ട്വീറ്റുകളിലൂടെയാണ് അമിത് ഷാ പ്രധാനമന്ത്രിയെയും ധനമന്ത്രിയെയും അഭിനന്ദിച്ചത്

ന്യൂഡൽഹി: പ്രതിരോധം, വ്യോമയാന, കൽക്കരി അടക്കമുള്ള വിവിധ മേഖലകളിൽ കൊണ്ടുവന്ന പരിഷ്‌ക്കാരങ്ങളിൽ പ്രധാനമന്ത്രി നരേന്ദ്ര മോദിയെയും ധനകാര്യമന്ത്രി നിർമല സീതാരാമനെയും ആഭ്യന്തരമന്ത്രി അമിത് ഷാ അഭിനന്ദിച്ചു. പുതിയ പരിഷ്‌ക്കാരങ്ങൾ ഇന്ത്യൻ സമ്പദ് വ്യവസ്ഥയെ ഉത്തേജിപ്പിക്കുമെന്നും അദ്ദേഹം പറഞ്ഞു.

കഴിഞ്ഞ ആറ് വർഷത്തിനിടയിൽ ഇന്ത്യയുടെ അത്ഭുതകരമായ വളർച്ചയിൽ പ്രധാനമന്ത്രി 'പരിഷ്‌കരണം, നിർവഹണം, പരിവർത്തനം' എന്ന മന്ത്രമാണ് പിന്തുടർന്നതെന്നും ഷാ ട്വിറ്ററിൽ കുറിച്ചു. കൽക്കരി മേഖലയിലെ അടിസ്ഥാന സൗകര്യ വികസനത്തിനായി 50,000 കോടി രൂപ അനുവദിച്ചതും വാണിജ്യ ഖനനം ആരംഭിക്കുന്നത് ഒരു സ്വാഗതാർഹമായ നയപരിഷ്‌കരണമാണെന്നും ഇതിലൂടെ കൂടുതൽ മത്സരവും സുതാര്യതയും കൈവരിക്കാനാകുമെന്നും ആഭ്യന്തരമന്ത്രി പറഞ്ഞു. നിരവധി ട്വീറ്റുകളിലൂടെയാണ് അമിത് ഷാ പ്രധാനമന്ത്രിയെ അഭിനന്ദിച്ചത്.