ന്യൂഡൽഹി: കൊവിഡ് പ്രതിരോധത്തിനായി പി‌എം കെയേഴ്‌സ് ഫണ്ടിന് കീഴിൽ സ്വരൂപിച്ച പണം ദേശീയ ദുരന്ത നിവാരണ ഫണ്ടിലേക്ക് (എൻ‌ഡി‌ആർ‌എഫ്) മാറ്റണമെന്ന് ആവശ്യപ്പെട്ട് സമർപ്പിച്ച ഹർജിയിൽ സുപ്രീം കോടതി ഉത്തരവ് പറയുന്നത് മാറ്റിവെച്ചു. പി‌എം കെയേഴ്‌സ് ഫണ്ട് സൃഷ്ടിക്കുന്നത് ദുരന്തനിവാരണ നിയമത്തിലെ വ്യവസ്ഥകൾക്ക് വിരുദ്ധമാണെന്ന് ആരോപിച്ച് സെന്‍റർ ഫോർ പബ്ലിക് ഇന്‍ററസ്റ്റ് ലിറ്റിഗേഷൻ എന്ന സംഘടനയാണ് ഹർജി സമർപ്പിച്ചത്.
എൻ‌ഡി‌ആർ‌എഫിന്‍റെ കണക്ക് പരിശോധന കൺട്രോളർ ആൻഡ് ഓഡിറ്റർ ജനറലാണ് (സി‌എജി) നടത്തുന്നത്. അതേസമയം, പക്ഷേ പി‌എം കെയേഴ്‌സ് ഫണ്ടിന്‍റെ ഓഡിറ്റ് സ്വകാര്യ ഓഡിറ്റർമാരാണ് നടത്തുന്നതെന്നും എൻജിഒയ്ക്ക് വേണ്ടി ഹാജരായ അഭിഭാഷകൻ ദുഷ്യന്ത് ദേവ് വാദിച്ചു.