ന്യൂഡല്‍ഹി: പട്ടികജാതി/ പട്ടികവര്‍ഗ വിഭാഗക്കാരെ സംബന്ധിക്കുന്ന നിയമം ഭരണഘടനയുടെ ഒമ്പതാം ഷെഡ്യൂളില്‍ ഉള്‍പ്പെടുത്തണമെന്ന് ലോക്‌ ജനശക്തി പാര്‍ട്ടി നേതാവും എംപിയുമായ ചിരാഗ് പാസ്വാൻ. സര്‍ക്കാര്‍ ജോലിയിലെ സ്ഥാനക്കയറ്റത്തിന് സംവരണം മൗലികാവകാശമല്ലെന്ന സുപ്രീം കോടതി വിധി വന്നതിന് പിന്നാലെയാണ് പ്രതികരണം. സംവരണം ഔദാര്യമല്ലെന്നും അവകാശമാണെന്നും ഇത്തരം നടപടികള്‍ എസ്‌സി/ എസ്‌ടി/ ഒബിസി വിഭാഗക്കാരെ ദോഷകരമായി ബാധിക്കുമെന്നും അദ്ദേഹം പറഞ്ഞു. എസ്‌സി/എസ്‌ടി വിഭാഗക്കാരെ സംബന്ധിക്കുന്ന നിയമങ്ങള്‍ ഭരണഘടനയുടെ ഒമ്പതാം ഷെഡ്യൂളില്‍ ഉള്‍പ്പെടുത്തണമെന്ന് കേന്ദ്ര സര്‍ക്കാരിനോട് ആവശ്യപ്പെട്ടതായും അദ്ദേഹം പറഞ്ഞു.
സംവരണം ഭരണഘടനയുടെ ഒമ്പതാം ഷെഡ്യൂളില്‍ ഉള്‍പ്പെടുത്തണമെന്ന് ചിരാഗ് പാസ്വാൻ