മൃഗ ഡോക്ടറുടെ കൊലപാതകം; പ്രതികളെ പത്ത് ദിവസം കസ്റ്റഡിയിൽ ആവശ്യപ്പെട്ട് പൊലീസ്

അന്വേഷണത്തിൻ്റെ  ഭാഗമായി ചോദ്യം ചെയ്യാനാണ് പ്രതികളെ കസ്റ്റഡിയിൽ ആവശ്യപ്പെട്ടത്. കേസ് കോടതി നാളെ പരിഗണിക്കും

ഹൈദരാബാദ്: മൃഗ ഡോക്ടറുടെ കൊലപാതകത്തിൽ ഷദ് നഗർ പൊലീസ് പ്രതികളെ പത്ത് ദിവസം കസ്റ്റഡിയിൽ ആവശ്യപ്പെട്ട് മഹാബൂബ് നഗർ കോടതിയിൽ ഹർജി സമർപ്പിച്ചുഅന്വേഷണത്തിൻ്റെ ഭാഗമായി ചോദ്യം ചെയ്യനായാണ് പ്രതികളെ കസ്റ്റഡിയിൽ ആവശ്യപ്പെട്ടത്. കേസ് നാളെ കോടതി പരിഗണിക്കും.

അതേ സമയം മഹാബൂബ് നഗർ ജില്ലാ കോടതി ബാർ അസോസിയേഷനും രംഗ റെഡ്ഡി ബാർ അസോസിയേഷനും പ്രതികൾക്ക് വേണ്ടി ഹാജരാകേണ്ടതില്ലെന്ന് തീരുമാനിച്ചിട്ടുണ്ട്. നാലംഗ സംഘം യുവതിയെ ബലാത്സംഗം ചെയ്‌ത ശേഷം കൊലപ്പെടുത്തുകയായിരുന്നു. വ്യാഴാഴ്ച പുലര്‍ച്ചെയാണ് മൃതദേഹം കത്തിക്കരിഞ്ഞ നിലയില്‍ കണ്ടെത്തിയത്. കേസിൽ രണ്ട് ലോറി ഡ്രൈവര്‍മാരെയും സഹായികളെയുമാണ് പൊലീസ് അറസ്റ്റ് ചെയ്തത്.