ന്യൂഡൽഹി: അവശ്യവസ്‌തുക്കളുടെ വില ഉയരുന്നതിൽ മോദി സർക്കാരിനെതിരെ വിമര്‍ശനവുമായി കോണ്‍ഗ്രസ്. പ്രധാനമന്ത്രി നരേന്ദ്ര മോദി സർവ്വകക്ഷി യോഗം വിളിക്കാന്‍ തയ്യാറാകണമെന്ന് കോണ്‍ഗ്രസ് വക്താവ് രണ്‍ദീപ് സുര്‍ജേവാല ആവശ്യപ്പെട്ടു.
മോദി വിദ്വേഷത്തിന്‍റെയും വിഭജനത്തിന്‍റെയും രാഷ്ട്രീയത്തിൽ നിന്ന് പിന്മാറി രാജ്യത്തിന്‍റെ വികസനത്തിൽ ശ്രദ്ധ കേന്ദ്രീകരിക്കണമെന്നും അദ്ദേഹം പറഞ്ഞു. ഭക്ഷ്യവസ്തുക്കളുടെ വിലയിൽ ഉണ്ടായ വൻ വർധനവ് ചെറുക്കാൻ സർക്കാർ നടപടികൾ സ്വീകരിക്കാത്തത് സാധാരണ ജനങ്ങളെ സാരമായി ബാധിക്കുന്നുണ്ടെന്ന് സുർജേവാല വ്യക്തമാക്കി.