ന്യൂഡൽഹി:ബിഹാറിൽ 14,000 കോടി രൂപയുടെ ഒമ്പത് അടിസ്ഥാന സൗകര്യ വികസന പദ്ധതികൾ ഉദ്ഘാടനം ചെയ്ത് പ്രധാനമന്ത്രി നരേന്ദ്ര മോദി. കൊവിഡിന്‍റെ പശ്ചാത്തലത്തിൽ വീഡിയോ കോൺഫറൻസ് വഴിയാണ് ഉദ്ഘാടനം ചെയ്തത്.
ഒപ്റ്റിക്കൽ ഫൈബർ ഇന്‍റർനെറ്റ് സേവനത്തിലൂടെ ബിഹാറിലെ 45,945 ഗ്രാമങ്ങളെയും ബന്ധിപ്പിക്കുന്ന 'ഘർ തക് ഫൈബർ' പദ്ധതിയും പ്രധാനമന്ത്രി ഉദ്ഘാടനം ചെയ്തു.
ആറ് പാതകളുള്ള ഹൈവേകളും മൂന്ന് പാലങ്ങളും ഉൾപ്പെടുന്ന ഒമ്പത് പ്രോജക്ടുകളാണ് ഇന്ന് ഉദ്ഘാടനം ചെയ്തത്. പദ്ധതികൾ ലഭിച്ചതിന് ബിഹാറിലെ ജനങ്ങളെ അഭിനന്ദിക്കുന്നതായും ഇന്ന് ബിഹാറിന് മാത്രമല്ല, രാജ്യത്തിന്‍റെയും പ്രധാന ദിവസമാണെന്നും ആത്മനിഭർ ഭാരത്തിന്‍റെ തുടക്കം ബിഹാറിൽ നിന്ന് ആരംഭിച്ചതിൽ സന്തോഷമുണ്ടെന്നും പ്രധാനമന്ത്രി പറഞ്ഞു.