വളർത്തുനായ പതിനഞ്ചുകാരനെ ആക്രമിച്ചു

ട്യൂഷൻ കഴിഞ്ഞ് സൈക്കിളിൽ വരുമ്പോഴാണ് കുട്ടിയുടെ നേരെ നായയുടെ ആക്രമണം

ഛണ്ഡിഗഡ്: പിറ്റ്ബുൾ ഇനത്തിൽപെട്ട നായ പതിനഞ്ചുകാരനെ ആക്രമിച്ചു. ജലന്ധറിൽ ചൊവ്വാഴ്‌ചയാണ് സംഭവം നടന്നത്. ലക്ഷ് ഉപ്പൽ എന്ന വിദ്യാർഥി ട്യൂഷൻ കഴിഞ്ഞ് സൈക്കിളിൽ വരുമ്പോഴാണ് നായയുടെ ആക്രമണം. പതിനഞ്ച്‌ മിനിറ്റോളം നായ കുട്ടിയുടെ കാലിൽ കടിച്ചുപിടിച്ചിരുന്നു. സമീപത്ത് നിന്നവർ കുട്ടിയെ രക്ഷിക്കാൻ ശ്രമിച്ചെങ്കിലും നായ പിടിവിട്ടില്ല. ഇരുകാലുകളിലും ഗുരുതരമായി പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചു.