ഹൈദരാബാദ് : സംസ്ഥാനത്തിന്‍റെ വിവിധ ഭാഗങ്ങളിൽ കുടുങ്ങിക്കിടന്ന 90ഓളം യുഎസ് പൗരന്മാരെ തിരികെ അയച്ച് അധികൃതർ. മുംബൈയിൽ നിന്നെത്തിയ എയർ ഇന്ത്യയുടെ പ്രത്യേക വിമാനത്തിൽ ഇവരെ ആദ്യം മുംബൈയിൽ എത്തിക്കുകയും തുടർന്ന് ഡെൽറ്റ എയർലൈൻസിൽ യുഎസിലേക്ക് അയക്കുകയും ചെയ്യും . ജിഎംആർ ഹൈദരാബാദ് ഇന്‍റർനാഷണൽ വിമാനത്താവളത്തിലാണ് പ്രത്യേക വിമാനം വന്നത്. 98 യുഎസ് പൗരന്മാരും ഒരു കുഞ്ഞും അടങ്ങുന്ന സംഘത്തെയാണ് തിരിച്ചയച്ചത്. നഗരത്തിൽ കുടുങ്ങിക്കിടന്ന യുഎസ് പൗരന്മാർ ഒരു മണിയോടെ വിമാനത്താവളത്തിൽ എത്തുകയും അവിടെ നിന്ന് പ്രത്യേക വിമാനത്തിൽ മുംബൈയിൽ എത്തിക്കുകയുമായിരുന്നു.