ന്യൂഡല്‍ഹി:വടക്ക്-കിഴക്കൻ ഡല്‍ഹിയിലെ കലാപ ബാധിത പ്രദേശങ്ങൾ കോണ്‍ഗ്രസ് പ്രതിനിധി സംഘം സന്ദര്‍ശിച്ചു. സ്ഥിതിഗതികള്‍ പരിശോധിക്കുകയും കലാപബാധിത പ്രദേശങ്ങളിലെ ജനങ്ങളുമായും അവരുടെ കുടുംബങ്ങളുമായും നേരിട്ടു സംവദിക്കുകയും ചെയ്തു. പാർട്ടി ജനറൽ സെക്രട്ടറി മുകുൾ വാസ്‌നിക്, ഡല്‍ഹിയുടെ ചുമതലയുള്ള ശക്തിസിംഗ് ഗോഹിൽ, ഹരിയാന യൂണിറ്റ് മേധാവി കുമാരി സെൽജ, മുൻ എംപി താരിഖ് അൻവർ, ഓൾ ഇന്ത്യ മഹിളാ കോൺഗ്രസ് പ്രസിഡന്‍റ് സുസ്മിത ദേവ് എന്നിവരടങ്ങുന്ന സംഘമാണ് കലാപമേഖല സന്ദര്‍ശിച്ചത്. സമാധാനവും സാഹോദര്യവും തിരികെ കൊണ്ടുവരാന്‍ അശ്രാന്ത പരിശ്രമം ആവശ്യമാണെന്ന് സന്ദര്‍ശനത്തിന് ശേഷം മുകുള്‍ വാസ്‌നിക് വ്യക്തമാക്കി. കലാപത്തില്‍ ഇരയായവര്‍ക്കൊപ്പം തങ്ങളുണ്ടെന്ന് മുകുള്‍ വാസ്‌നിക് പറഞ്ഞു.
കലാപ മേഖലകള്‍ സന്ദര്‍ശിച്ച് കോണ്‍ഗ്രസ് പ്രതിനിധി സംഘം