ന്യൂഡൽഹി: ദേശാടന പക്ഷികൾ കൊറോണ വൈറസ് വാഹകരാണെന്ന പ്രചാരണത്തെ തള്ളി കേന്ദ്ര പരിസ്ഥിതി മന്ത്രാലയം. ഇത്തരം പ്രചരണങ്ങളിലൂടെ ആളുകളിൽ ഭയം സൃഷ്‌ടിക്കുക മാത്രമാണ് സംഭവിക്കുന്നതെന്നും കേന്ദ്ര പരിസ്ഥിതി മന്ത്രി പ്രകാശ് ജാവദേക്കർ വ്യക്തമാക്കി. വന്യമൃഗങ്ങളിലെ ദേശാടന ഇനങ്ങളുടെ സംരക്ഷണത്തിനായുള്ള പതിമൂന്നാമത് കൺവെൻഷൻ ഗുജറാത്തിൽ അടുത്തയാഴ്‌ച നടക്കാനിരിക്കെയാണ് പരിസ്ഥിതി മന്ത്രാലയത്തിന്‍റെ വിശദീകരണം. പ്രധാനമന്ത്രി നരേന്ദ്രമോദിയാണ് 13-ാമത് സിഒപി കൺവെൻഷൻ ഉദ്‌ഘാടനം ചെയ്യുക. 130 രാജ്യങ്ങളിൽ നിന്നുള്ള പ്രതിനിധികൾ കൺവെൻഷനിൽ പങ്കെടുക്കും.
കൊറോണ വൈറസും ദേശാടനപക്ഷികളും തമ്മിൽ ബന്ധമില്ല: പ്രകാശ് ജാവദേക്കർ