എൻഐഎച്ച് കൊവിഡ് ചികിത്സാ മാർഗനിർദേശങ്ങൾ പുറത്തിറക്കി
രോഗബാധയുടെ അപകടസാധ്യതയെയും രോഗത്തിന്‍റെ തീവ്രതയെയും അടിസ്ഥാനമാക്കി രോഗികളുടെ തരംതിരിക്കലും വിശദീകരിച്ചിട്ടുണ്ട്.
ഹൈദരാബാദ്: നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് കൊവിഡ് ചികിത്സാ മാർഗനിർദേശങ്ങൾ പുറത്തിറക്കി. ഫിസിഷ്യൻ‌മാർ, മറ്റ് മെഡിക്കൽ ജീവനക്കാര്‍ എന്നിവരുടെ ഒരു പാനലാണ് മാർഗനിർദേശങ്ങൾ വികസിപ്പിക്കുന്നത്. കൊവിഡ് ചികിത്സക്കായി ആരോഗ്യപ്രവർത്തകർ നിലവിൽ ഉപയോഗിക്കുന്ന രണ്ട് തരം ചികിത്സാരീതികളെ കുറിച്ചും എൻഐഎച്ച് വ്യക്തമാക്കി. ഒന്ന് വൈറസിനെ നേരിട്ട് ടാർഗെറ്റുചെയ്യാനിടയുള്ള ആന്‍റിവൈറസുകൾ നൽകുക. രണ്ട് രോഗപ്രതിരോധ പ്രതികരണത്തെ സ്വാധീനിച്ചേക്കാവുന്ന ഹോസ്റ്റ് മോഡിഫയറുകളും രോഗപ്രതിരോധ അധിഷ്ഠിത ചികിത്സകളും വഴി വൈറസിനെ ഇല്ലാതാക്കുക. രോഗബാധയുടെ അപകടസാധ്യതയെയും രോഗത്തിന്‍റെ തീവ്രതയെയും അടിസ്ഥാനമാക്കി രോഗികളുടെ തരംതിരിക്കലും വിശദീകരിച്ചിട്ടുണ്ട്. ലക്ഷണമില്ലാത്ത അല്ലെങ്കിൽ മിതമായ ലക്ഷണങ്ങളുള്ള രോഗികൾ, ഗുരുതരമായ നിലയിലുള്ള രോഗികൾ, ഗർഭിണികൾ, രോഗബാധിതരായ കുട്ടികൾ എന്നിവർക്ക് പ്രത്യേക പരിഗണനകൾ ഉൾപ്പെടുത്തിയിട്ടുണ്ട്.