ന്യൂഡൽഹി: മുംബൈയിൽ നിന്ന് നാല് കോടി രൂപയുടെ മയക്കുമരുന്നുമായി ഒരാളെ അറസ്റ്റ് ചെയ്തു. പടിഞ്ഞാറൻ മെട്രോപോളിസിലെ മയക്കുമരുന്ന് വിതരണ ശൃംഖലയെ സംബന്ധിച്ച് അന്വേഷണം പുരോഗമിക്കുകയാണെന്നും നാർക്കോട്ടിക്‌സ് കൺട്രോൾ ബ്യൂറോ അറിയിച്ചു. ഈ മാസം ആദ്യം എത്യോപ്യയിലെ അഡിസ് അബാബയിൽ നിന്ന് ഡൽഹിയിലെത്തിയ ഒരു പാർസലിൽ നിന്ന് 670 ഗ്രാം കൊക്കെയ്ൻ പിടിച്ചെടുത്തിരുന്നു.
മയക്കുമരുന്ന്, സൈക്കോട്രോപിക് ലഹരിവസ്തുക്കൾ (എൻ‌ഡി‌പി‌എസ്) എന്നിവയുടെ നിയന്ത്രിത ഡെലിവറി ഓപ്പറേഷന് ഉത്തരവിടാൻ എൻസിബി ഡയറക്ടർ ജനറലിന് അധികാരമുണ്ട്. ഈ കേസിൽ നിയന്ത്രിത ഡെലിവറിക്ക് ഉത്തരവ് എൻസിബി ഡയറക്ടർ ജനറൽ രാകേഷ് അസ്താന നൽകിയിരുന്നു. അറസ്റ്റിലായ പ്രതിയെ ട്രാൻസിറ്റ് റിമാൻഡിൽ എടുത്തിട്ടുണ്ടെന്നും ഡൽഹി കോടതിയിൽ ഹാജരാക്കുമെന്നും നാർക്കോട്ടിക് കൺട്രോൾ ബ്യൂറോ ഉദ്യോഗസ്ഥർ പറഞ്ഞു. പിടിച്ചെടുത്ത കൊക്കെയ്‌ന് അന്താരാഷ്ട്ര വിപണിയിൽ ഏകദേശം നാല് കോടി രൂപയാണെന്ന് ഉദ്യോഗസ്ഥൻ പറഞ്ഞു.
Last Updated : Sep 19, 2020, 9:05 PM IST