നരേന്ദ്ര മോദിയും ഇമ്മാനുവൽ മാക്രോണും ടെലിഫോൺ സംഭാഷണം നടത്തി

ഉഭയകക്ഷി ബന്ധം പ്രാദേശിക-ആഗോള സാഹചര്യങ്ങള്‍ എന്നിവ ചര്‍ച്ചയായി

ന്യൂഡൽഹി: പ്രധാനമന്ത്രി നരേന്ദ്ര മോദി ഫ്രഞ്ച് പ്രസിഡന്‍റ് ഇമ്മാനുവൽ മാക്രോണുമായി ടെലിഫോൺ സംഭാഷണം നടത്തി. പ്രാദേശികവും ആഗോളവുമായ സാഹചര്യങ്ങളെക്കുറിച്ച് ഇരുവരും സംസാരിച്ചതായി പ്രധാനമന്ത്രിയുടെ ഓഫീസ് അറിയിച്ചു. ഇമ്മാനുവൽ മാക്രോണിന് പുതുവത്സരാശംസകൾ അറിയിച്ച മോദി ഇന്ത്യയും ഫ്രാൻസും തമ്മിലുള്ള സൗഹൃദം കൂടുതൽ ശക്തിപ്പെടുത്തുന്നതിനുള്ള ആവശ്യകതയും ആവർത്തിച്ചു. ഇറാനിലെ കമാൻഡർ ജനറൽ കാസിം സുലൈമാനിയെ യുഎസ് കൊലപ്പെടുത്തിയതിന് ദിവസങ്ങൾക്ക് ശേഷം ഗൾഫ് മേഖലയിലെ സംഘർഷങ്ങളുടെ പശ്ചാത്തലത്തിലാണ് ഇന്ത്യന്‍ പ്രധാനമന്ത്രിയും ഫ്രഞ്ച് പ്രസിഡന്‍റും ടെലിഫോൺ സംഭാഷണം നടത്തിയത്.