ഗ്വാളിയാറില്‍ മിഗ് 21 വിമാനം തകര്‍ന്ന് വീണു; ആളപായമില്ല

സ്ഥരിമായി നടത്തുന്ന പരിശീലന പറക്കലിനിടെയാണ് അപകടമെന്ന് വ്യോമസേന അറിയിച്ചു

ഭോപാല്‍: ഗ്വാളിയോറില്‍ ഇന്ത്യന്‍ വ്യോമസേനയുടെ മിഗ് 21 പരിശീലന യുദ്ധവിമാനം തകര്‍ന്നു വീണു. ബുധനാഴ്ച രാവിലെയാണ് അപകടമുണ്ടായത്. വിമാനത്തിലുണ്ടായിരുന്ന രണ്ട് പൈലറ്റുമാരും പരിക്കുകളില്ലാതെ രക്ഷപ്പെട്ടു. സ്ഥിരമായി നടത്തുന്ന പരിശീലന പറക്കലിനിടെയാണ് അപകടമുണ്ടായതെന്ന് വ്യോമസേന അറിയിച്ചു. അപ്രതീക്ഷിത ചുഴിയില്‍പെട്ടതാണ് അപകടത്തിന് കാരണമെന്നാണ് സേനയുടെ വിശദീകരണം.