വന്ദേ ഭാരത് ദൗത്യം കുടുങ്ങിക്കിടക്കുന്ന എല്ലാ ഇന്ത്യക്കാർക്കും വേണ്ടിയെന്ന് വിദേശകാര്യ മന്ത്രാലയം

കേന്ദ്രം സംസ്ഥാനങ്ങൾക്കിടയിൽ വിവേചനം കാണിക്കുന്നുവെന്ന് പശ്ചിമ ബംഗാൾ ആഭ്യന്തര സെക്രട്ടറി പാർത്ത ചാറ്റർജി ആരോപിച്ചിരുന്നു.

ന്യൂഡൽഹി: വന്ദേ ഭാരത് ദൗത്യം കുടുങ്ങിക്കിടക്കുന്ന എല്ലാ ഇന്ത്യക്കാർക്കും വേണ്ടിയെന്ന് വിദേശകാര്യ മന്ത്രാലയം. കേന്ദ്രം സംസ്ഥാനങ്ങൾക്കിടയിൽ വിവേചനം കാണിക്കുന്നുവെന്ന് പശ്ചിമ ബംഗാൾ ആഭ്യന്തര സെക്രട്ടറി പാർത്ത ചാറ്റർജി ആരോപിച്ചിരുന്നു. ഇതിന് മറുപടിയായാണ് വിദേശകാര്യ മന്ത്രാലയം വക്താവ് അനുരാഗ് ശ്രീവാസ്തവ ഇക്കാര്യം വ്യക്തമാക്കിയത്.

കൊവിഡുമായി ബന്ധപ്പെട്ട നിയന്ത്രണങ്ങൾ കാരണം വിവിധ രാജ്യങ്ങളിൽ കുടുങ്ങിക്കിടക്കുന്ന ഇന്ത്യക്കാരെ തിരിച്ചുകൊണ്ടുവരാൻ സർക്കാർ മെയ് ഏഴിനാണ് വന്ദേ ഭാരത് ദൗത്യം ആരംഭിച്ചത്.