വനിതാ അഭിഭാഷകയെ പീഡിപ്പിച്ച കേസിൽ പ്രതി പിടിയിൽ

23കാരനായ സോനുവാണ് പൊലീസ് പിടിയിലായത്.

ന്യൂഡൽഹി: വീട്ടിൽ അതിക്രമിച്ച് കയറി വനിതാ അഭിഭാഷകയെ പീഡിപ്പിച്ച കേസിലെ പ്രതി പൊലീസ് പിടിയിലായി. 23കാരനായ സോനുവാണ് പൊലീസ് പിടിയിലായത്. സൗത്ത് ഡൽഹിയിലെ നിസാമുദ്ദീൻ പ്രദേശത്താണ് സംഭവം. പീഡിപ്പിച്ചതിന് ശേഷം യുവതിയെ കൊലപ്പെടുത്താൻ ശ്രമിച്ചെന്നും ബാൽക്കണിയിലൂടെയാണ് പ്രതി അതിക്രമിച്ച് കയറിയതെന്നും പരാതിയിൽ പറയുന്നു.

ഐപിസിയിലെ വിവിധ വകുപ്പുകൾ പ്രകാരമാണ് പൊലീസ് കേസ് രജിസ്റ്റർ ചെയ്‌തത്. സിസിടിവി ദ്യശ്യങ്ങൾ പരിശോധിച്ച് നടത്തിയ അന്വേഷണത്തിലാണ് പ്രതി പിടിയിലായത്.