മഹാരാഷ്‌ട്രയില്‍ കടയ്‌ക്ക് തീപിടിച്ചു;ആളപായമില്ല
തിങ്കളാഴ്‌ച രാവിലെ 6:15 നാണ് താനെയില്‍ ഹാര്‍ഡ്‌വെയര്‍ കടയ്‌ക്ക് തീപിടിച്ചത്
മഹാരാഷ്‌ട്രയില്‍ കടയ്‌ക്ക് തീപിടിച്ചു
മുംബൈ : മഹാരാഷ്‌ട്രയിലെ താനെയില്‍ ഹാര്‍ഡ്‌വെയര്‍ കടയ്‌ക്ക് തീപിടിച്ചു. തിങ്കളാഴ്‌ച രാവിലെ 6:15 നാണ് കടയ്‌ക്ക് തീപിടിച്ചത്. കട പൂര്‍ണ്ണമായും കത്തിനശിച്ചു . എന്നാല്‍ സംഭവത്തില്‍ ആര്‍ക്കും പരിക്കേറ്റതായി റിപ്പോര്‍ട്ടില്ല. വിവരമറിഞ്ഞ് സ്ഥലത്തെത്തിയ അഗ്‌നിശമന സേനയുടെ മൂന്ന് യൂണിറ്റ് അരമണിക്കൂറിനുള്ളില്‍ തീ അണച്ചതായി താനെ മുന്‍സിപ്പല്‍ കോര്‍പ്പറേഷന്‍ ദുരന്തനിവാരണ സേന തലവന്‍ സന്തോഷ്‌ കഡം പറഞ്ഞു. തീപിടിത്തത്തിന്‍റെ കാരണം അന്വേഷിച്ച് വരികയാണെന്നും അദ്ദേഹം കൂട്ടിച്ചേര്‍ത്തു.