ഹോട്ടലില്‍ നിന്ന് ഭക്ഷണമില്ല, കുടിവെള്ളം പ്ലാസ്റ്റിക് കപ്പില്‍; അവഗണനയില്‍ ആദിവാസികൾ

ടിഗാരി ഗ്രാമത്തിൽ ഹോട്ടലുകളിൽ പോയി ഭക്ഷണം കഴിക്കാൻ ആദിവാസി വിഭാഗത്തിന് അനുവാദമില്ല. ഇവർ ഇരിക്കുന്നിടം അശുദ്ധമാകുമെന്നാണ് നാട്ടുകാരുടെ വിശ്വാസം

കർണാടക: കൊപ്പലിൽ ആദിവാസി വിഭാഗത്തിന് അവഗണനയും ജാതി വിവേചനവും. കൊപ്പലിലെ ടിഗാരി ഗ്രാമത്തിലാണ് സംഭവം. ഇവിടെ ഹോട്ടലുകളിൽ പോയി ഭക്ഷണം കഴിക്കാൻ ആദിവാസി വിഭാഗത്തിന് അനുവാദമില്ല. ഇവർ ഇരിക്കുന്നിടം അശുദ്ധമാകുമെന്നാണ് നാട്ടുകാർ വിശ്വസിക്കുന്നത്. ദാഹിക്കുന്നവന് വെള്ളം വേണമെങ്കിലും ബുദ്ധിമുട്ടാണ്. പ്ലാസ്റ്റിക്ക് കപ്പുകളിൽ മാത്രമേ വെള്ളം നൽകൂ. അതും ദൂരേക്ക് മാറ്റി നിർത്തി. സംഭവം സമൂഹ മാധ്യമങ്ങളിൽ ചർച്ചയാകുകയാണ്. നിരവധി സംഘടനകളാണ് ഇതിനെതിരെ പ്രതിഷേധം ഉയർത്തിയത്. ആദിവാസി ദളിത് വിഭാഗത്തെ അവഗണിക്കുന്നവർക്കെതിരെ ശക്തമായ നടപടിയെടുക്കണം എന്നും ഇവർ ആവശ്യപ്പെടുന്നു.