ജാമിയ വെടിവെപ്പ്; ഒരാൾ കൂടി പിടിയിൽ

പ്രായപൂർത്തിയാകാത്ത ആള്‍ക്ക് തോക്ക് നല്‍കിയ അജിത് ആണ് അറസ്റ്റിലായത്

ന്യൂഡൽഹി: ജാമിയയിൽ പൗരത്വ നിയമ ഭേദഗതിക്കെതിരെ പ്രതിഷേധം നടത്തുന്നവര്‍ക്ക് നേരെ വെടിയുതിർത്ത കേസിൽ ഒരാൾ കൂടി പൊലീസ് പിടിയിൽ . പ്രതിഷേധക്കാർക്ക് നേരെ വെടിവെപ്പ് നടത്തിയ പ്രായപൂർത്തിയാകാത്ത ആള്‍ക്ക് തോക്ക് കൊടുത്ത ആളാണ് അറസ്റ്റിലായത്. ഉത്തർപ്രദേശിലെ അലിഗഡ് ജില്ലയിലെ സഹജ്‌പുര സ്വദേശിയായ അജിത് (25) ആണ് അറസ്റ്റിലായത്. ജനുവരി 30നാണ് പ്രതിഷേധക്കാർക്കെതിരെ അക്രമി വെടിയുതിർത്തത്. വെടിവെയ്പ്പിൽ ഒരു വിദ്യാർഥിക്ക് പരിക്കേറ്റിരുന്നു.