"ചീറ്റയ്ക്ക് " അടിയന്തര ലാൻഡിങ്: അപകടമില്ലെന്ന് സേന

മിസാമറിയിലേക്കുള്ള യാത്രക്കിടെ സാങ്കേതിക തടസ്സം നേരിട്ടതിനെ തുടർന്ന് ലാൻഡിങ് ചെയ്യുകയായിരുന്നു

ആസ്സാം: ഇന്ത്യൻ സേനയുടെ "ചീറ്റാ ഹെലികോപ്റ്റർ" അസമിലെ നാഗോണിൽ അടിയന്തര ലാൻഡിങ് നടത്തി. ദിമാപൂരിൽ നിന്ന് പുറപ്പെട്ട ഹെലികോപ്റ്റർ മിസാമറിയിലേക്കുള്ള യാത്രക്കിടെ സാങ്കേതിക തടസ്സം നേരിട്ടതിനെ തുടർന്ന് ലാൻഡ് ചെയ്യുകയായിരുന്നു. സേന ഉദ്യോഗസ്ഥർ സുരക്ഷിതരാണ്.

ഹിന്ദുസ്ഥാൻ എയ്റോനോട്ടിക്സ് ലിമിറ്റഡ് വികസിപ്പിച്ചെടുത്ത "ചീറ്റാ ഹെലികോപ്റ്റർ" 1976-77 ലാണ് ഇന്ത്യൻ സേനയിൽ ഉൾപ്പെടുത്തുന്നത്. ഹെലികോപ്റ്ററുകളുടെ വിഭാഗത്തിൽ ഏറ്റവും ഉയരത്തിൽ പറക്കുന്നതിന് ലോക റെക്കോർഡ് നിലനിർത്തുന്നവയാണ് ചീറ്റാ ഹെലികോപ്റ്റർ.