ബിഹാറിൽ ഇടിമിന്നലേറ്റ് 26 പേർ മരിച്ച സംഭവം; അനുശോചനം അറിയിച്ച് അമിത് ഷാ

സംസ്ഥാനത്ത് കഴിഞ്ഞ ആഴ്‌ച ഇടിമിന്നലേറ്റ് 100ലധികം പേർ മരിച്ചിരുന്നു

ന്യൂഡൽഹി: ബിഹാറിൽ ഇടിമിന്നലേറ്റ് 26 പേർ മരിച്ച സംഭവത്തിൽ കേന്ദ്ര ആഭ്യന്തരമന്ത്രി അമിത് ഷാ അനുശോചനം അറിയിച്ചു. മരിച്ചവരുടെ കുടുംബത്തിന്‍റെ ദുഖത്തിൽ പങ്ക് ചേരുന്നു. പരിക്കേറ്റവർ വേഗത്തിൽ സുഖം പ്രാപിക്കട്ടെയെന്നും അദ്ദേഹം ട്വിറ്ററിൽ കുറിച്ചു.

സംസ്ഥാന സർക്കാരും ദുരന്ത നിവാരണ സംഘങ്ങളും ദുരിതാശ്വാസ പ്രവർത്തനങ്ങൾ ഏകോപിപ്പിക്കുകയാണെന്നും അദ്ദേഹം കൂട്ടിച്ചേർത്തു. സംസ്ഥാനത്ത് കഴിഞ്ഞ ആഴ്‌ച ഉണ്ടായ ഇടിമിന്നലിൽ 100ലധികം പേർ മരിച്ചിരുന്നു.