ഹിമാചൽ മുഖ്യമന്ത്രി ജയ്​റാം താക്കൂറിന്​ കൊവിഡ്​

രണ്ട്​ ദിവസം മുമ്പ്​ കൊവിഡ്​ ലക്ഷണങ്ങളുണ്ടായതിനെ തുടർന്ന്​ നടത്തിയ പരിശോധനയിൽ രോഗം സ്ഥിരീകരിക്കുകയായിരുന്നുവെന്ന്​ ജയറാം താക്കൂർ ട്വിറ്ററിലൂടെ അറിയിച്ചു.

ഷിംല: ഹിമാചൽ പ്രദേശ്​ മുഖ്യമന്ത്രി ജയറാം താക്കൂറിന്​ കൊവിഡ്​. രോഗബാധ സ്ഥിരീകരിച്ചതിനെ തുടർന്ന്​ അദ്ദേഹം സ്വയം നിരീക്ഷണത്തിൽ പോയി. കുറച്ച്​ ദിവസങ്ങൾക്ക്​ ഞാൻ കോവിഡ്​ ബാധിച്ച വ്യക്​തിയുമായി സമ്പർക്കത്തിലേർപ്പെട്ടിരുന്നു. കഴിഞ്ഞ ഒരാഴ്​ചയായി താൻ വീട്ടിൽ ക്വാറന്‍റൈനിലായിരുന്നു. രണ്ട്​ ദിവസം മുമ്പ്​ കേൊവിഡ്​ ലക്ഷണങ്ങളുണ്ടായതിനെ തുടർന്ന്​ നടത്തിയ പരിശോധനയിൽ രോഗം സ്ഥിരീകരിക്കുകയായിരുന്നുവെന്ന്​ ജയറാം താക്കൂർ ട്വിറ്ററിലൂടെ അറിയിച്ചു.

ആരോഗ്യ- കുടുംബക്ഷേമ മന്ത്രാലയത്തിന്‍റെ കണക്കനുസരിച്ച് ഒക്ടോബർ 11 വരെ ഹിമാചലിൽ 2,687 സജീവ കേസുകളും 250 മരണങ്ങളും റിപ്പോർട്ട് ചെയ്തിട്ടുണ്ട്. ആഭ്യന്തരമന്ത്രി അമിത് ഷാ, ഗതാഗത മന്ത്രി നിതിൻ ഗഡ്കരി എന്നിവരുൾപ്പെടെ നിരവധി മുതിർന്ന ബിജെപി നേതാക്കൾക്ക് കൊവിഡ് ബാധിച്ചിരുന്നു. കൊവിഡ് -19 അണുബാധയുടെ വ്യാപനം മന്ദഗതിയിലായതോടെ, ഇന്ത്യയില്‍ ഇന്ന് 70,000 കേസുകളും 900 ൽ താഴെ മരണങ്ങളും രേഖപ്പെടുത്തി.