ഹരിയാനയിൽ ഏർപ്പെടുത്തിയ ഇന്‍റർനെറ്റ് വിലക്ക് നീട്ടി

സോണിപത്, ജോജ്ജർ ജില്ലകളിൽ പ്രഖ്യാപിച്ച വിലക്ക് ഫെബ്രവരി ആറ് വരെയാണ് നീട്ടിയത്.

ചാണ്ഡിഗഢ്: ഹരിയാനയിൽ ഇന്‍റർനെറ്റ് വിലക്ക് നീട്ടി. ഫെബ്രവരി ആറ് വരെയാണ് നീട്ടിയത്. കർഷക പ്രക്ഷോഭം നടക്കുന്ന സോണിപത്, ജോജ്ജർ ജില്ലകളിൽ ഏർപെടുത്തിയ വിലക്കാണ് നീട്ടിയത്. എസ്എംഎസ് സേവനങ്ങളും നിർത്തലാക്കി.

മൊബൈൽ ഇന്‍റർനെറ്റ് സേവനങ്ങൾ (2 ജി / 3 ജി / 4 ജി / സിഡിഎംഎ / ജിപിആർഎസ്), എസ്എംഎസ് സേവനങ്ങൾ (ബൾക്ക് എസ്എംഎസ് മാത്രം), മൊബൈൽ നെറ്റ്‌വർക്കുകളിൽ നൽകിയിട്ടുള്ള എല്ലാ ഡോംഗിൾ സേവനങ്ങളും താൽക്കാലികമായി നിർത്തിവച്ചതായി ഹരിയാന സർക്കാർ ഇറക്കിയ ഉത്തരവിൽ പറയുന്നു. കർഷക പ്രക്ഷോഭം തടയുന്നതിനായിട്ടാണ് ഹരിയാന സർക്കാരിന്‍റെ ഉത്തരവ്.