അനധികൃതമായി അതിഥി തൊഴിലാളികളുമായി പോയ ട്രക്ക് പിടിച്ചെടുത്തു
ഇരുപത്തഞ്ചോളം അതിഥി തൊഴിലാളികളെയാണ് കടത്താന്‍ ശ്രമിച്ചത്
അനധികൃതമായി അതിഥി തൊഴിലാളികളുമായി പോയ ട്രക്ക് പിടിച്ചെടുത്തു
ന്യൂഡല്‍ഹി: ഉത്തര്‍പ്രദേശ്‌, ബിഹാര്‍ എന്നിവിടങ്ങളിലേക്ക് അനധികൃതമായി അതിഥി തൊഴിലാളികളുമായി പോയ ട്രക്കും ഡ്രൈവര്‍മാരെയും പിടികൂടി. അവിനീഷ്‌ തിവാരി, മനോജ്‌ കുമാര്‍ യാദവ് എന്നിവരാണ് പിടിയിലായത്. ശനിയാഴ്‌ച രാത്രി പട്രോളിങ്‌ നടത്തുന്നതിനിടെ തൊഴിലാളികള്‍ സമൂഹിക അകലം പാലിക്കാതെ കൂട്ടം കൂടി നില്‍ക്കുന്നത് ചോദ്യം ചെയ്‌തപ്പോഴാണ് ട്രക്ക് ഡ്രൈവര്‍മാര്‍ കുറ്റം സമ്മതിച്ചതെന്ന് ഡെപ്യൂട്ടി കമ്മിഷണര്‍ ആര്‍.പി. മീന പറഞ്ഞു. ഇവര്‍ക്ക് കോണ്‍ട്രാക്ട് കൊടുത്ത ബിഹാര്‍ സ്വദേശികളായ രണ്ടു പേരെ കൂടി പിന്നീട് അറസ്റ്റ് ചെയ്‌തതായും ഡെപ്യൂട്ടി കമ്മിഷണര്‍ വ്യക്തമാക്കി. ഇവര്‍ നാല് പേര്‍ക്കെതിരെയും കേസെടുത്തു. ഇരുപത്തഞ്ചോളം അതിഥി തൊഴിലാളികളെയാണ് അനധികൃതമായി കടത്താന്‍ ശ്രമിച്ചത്.