ഗുജറാത്തില്‍ കാറും ട്രക്കും കൂട്ടിയിടിച്ച് അപകടം; അഞ്ച് പേര്‍ മരിച്ചു

സുരേന്ദ്രനഗർ ജില്ലയിലെ അഹമ്മദാബാദ്-ലിംബി ഹൈവേയിലാണ് അപകടമുണ്ടായത്

അഹമ്മദാബാദ്: ഗുജറാത്തില്‍ എസ്‌യുവി കാറും ട്രക്കും കൂട്ടിയിടിച്ച് അഞ്ച് പേര്‍ മരിച്ചു. നിരവധി പേർക്ക് പരിക്കേറ്റു. സുരേന്ദ്രനഗർ ജില്ലയിലെ അഹമ്മദാബാദ്-ലിംബി ഹൈവേയില്‍ ഞായറാഴ്‌ച രാവിലെയാണ് അപകടമുണ്ടായത്.10 പേർ യാത്ര ചെയ്‌തിരുന്ന എസ്‌യുവി കാറാണ് അപകടത്തില്‍പ്പെട്ടത്. കെ.സുബ്രഹ്മണ്യം, രാജേശ്രീ സുബ്രഹ്മണ്യം, ഗണേഷ് സുബ്രഹ്മണ്യം, ഭവാനി നാഗേന്ദ്ര, അഖില്‍ പ്രസാദ് എന്നിവരാണ് മരിച്ചത്. അപകടത്തില്‍ പരിക്കേറ്റവരെ അടുത്തുള്ള ആശുപത്രിയില്‍ പ്രവേശിപ്പിച്ചു. നിയന്ത്രണം നഷ്‌ടപ്പെട്ട കാര്‍ എതിര്‍ ദിശയില്‍ വന്ന ട്രക്കുമായി കൂട്ടിയിടിക്കുകയായിരുന്നു.