ജമ്മു കശ്‌മീരില്‍ ഏറ്റുമുട്ടല്‍; സുരക്ഷാസേന ഒരു ഭീകരനെ വധിച്ചു

സോപോറിലെ റെബ്ബാൻ പ്രദേശത്ത് ഞായറാഴ്‌ച പുലര്‍ച്ചയോടെയാണ് ഏറ്റുമുട്ടലുണ്ടായത്

ശ്രീനഗര്‍: ജമ്മു കശ്‌മീരിലെ സോപോറില്‍ സുരക്ഷാസേനയുമായുണ്ടായ ഏറ്റുമുട്ടലില്‍ ഒരു ഭീകരൻ കൊല്ലപ്പെട്ടു. സോപോറിലെ റെബ്ബാൻ പ്രദേശത്ത് ഞായറാഴ്‌ച പുലര്‍ച്ചയോടെയാണ് ഏറ്റുമുട്ടലുണ്ടായത്. സംഭവസ്ഥലത്ത് പൊലീസും സുരക്ഷാ സേനയും വിന്യസിച്ചിട്ടുള്ളതായി കശ്‌മീർ സോൺ പൊലീസ് അറിയിച്ചു.

ജൂൺ 25ന് സോപോറിലുണ്ടായ ഏറ്റുമുട്ടലില്‍ രണ്ട് ഭീകരരെ സുരക്ഷാസേന വധിച്ചിരുന്നു. ഏറ്റമുട്ടലില്‍ ഒരു സിആർ‌പി‌എഫ് ഉദ്യോഗസ്ഥനും കൊല്ലപ്പെട്ടു. സംഭവസ്ഥലത്ത് നിന്ന് രണ്ട് എകെ-47 തോക്കുകൾ സുരക്ഷാസേന കണ്ടെടുത്തിരുന്നു.