ന്യൂഡല്‍ഹി:രണ്ടാം മോദി സർക്കാരിന്‍റെ ആദ്യ സമ്പൂർണ ബജറ്റില്‍ 99,300 കോടി രൂപയാണ് വിദ്യാഭ്യാസ മേഖലക്ക് അനുവദിച്ചത്. ഉന്നത നിലവാരമുള്ള വിദ്യാഭ്യാസം ഉറപ്പാക്കുന്നതിനായി വിദേശ നിക്ഷേപവും വിദേശ വായ്‌പയും കൂടുതല്‍ വ്യാപിപ്പിക്കുമെന്ന് ധനമന്ത്രി നിർമല സീതാരാമൻ പ്രഖ്യാപിച്ചു.
വിദ്യാഭ്യാസ മേഖലയില്‍ വിദേശ നിക്ഷേപം; 99,300 കോടി രൂപ അനുവദിച്ചു
പുതിയ വിദ്യാഭ്യാസ നയം ഉടൻ പ്രഖ്യാപിക്കും. ഇത് സംബന്ധിച്ച് രണ്ട് ലക്ഷം നിർദേശങ്ങള്‍ ലഭിച്ചതായും ധനമന്ത്രി ലോക്‌സഭയില്‍ അറിയിച്ചു. കൂടുതല്‍ തൊഴിലധിഷ്ഠിത കോഴ്സുകളും നടപ്പിലാക്കും. ഓൺലൈൻ ഡിഗ്രി കോഴ്സുകളും തുടങ്ങും. ദേശീയ പൊലീസ്, ഫൊറൻസിക് സയൻസ് സർവകലാശാലകൾ സ്ഥാപിക്കും. എഞ്ചിനിയറിങ് വിദ്യാർഥികൾക്ക് പഞ്ചായത്തുകൾ കേന്ദ്രീകരിച്ച് ഇന്‍റേൺഷിപ്പ് പദ്ധികളും ആവിഷ്കരിക്കുമെന്നും ധനമന്ത്രി അറിയിച്ചു.