മാധ്യമപ്രവർത്തകർ സുരക്ഷാ മാനദണ്ഡങ്ങൾ ലംഘിച്ച സംഭവം; റിപ്പോർട്ട് തേടി ഡിജിസിഎ

വിമാനത്തിൽ മാധ്യമപ്രവർത്തകർ സാമൂഹിക അകലം പാലിക്കാതെ നിൽക്കുന്ന ചില വീഡിയോകൾ കണ്ടുവെന്നും സംഭവത്തിൽ റിപ്പോർട്ട് സമർപ്പിക്കണമെന്നും ഡിജിസിഎ ഇൻഡിഗോ എയർലൈൻസിനോട് ആവശ്യപ്പെട്ടു.

ന്യൂഡൽഹി: ഇൻഡിഗോ വിമാനത്തിൽ യാത്ര ചെയ്‌ത മാധ്യമപ്രവർത്തകർ സുരക്ഷാ മാനദണ്ഡങ്ങൾ ലംഘിച്ച സംഭവത്തിൽ ഡയറക്‌ടറേറ്റ് ജനറൽ ഓഫ് സിവിൽ ഏവിയേഷൻ റിപ്പോർട്ട് ആവശ്യപ്പെട്ടു. ചണ്ഡിഗഡ് -മുംബൈ വിമാനത്തിൽ ബുധനാഴ്‌ചയാണ് സംഭവം നടന്നത്. 6ഇ264 ഇൻഡിഗോ വിമാനത്തിൽ മാധ്യമപ്രവർത്തകർ സാമൂഹിക അകലം പാലിക്കാതെ നിൽക്കുന്ന ചില വീഡിയോകൾ കണ്ടുവെന്നും സംഭവത്തിൽ റിപ്പോർട്ട് സമർപ്പിക്കണമെന്നും ഡിജിസിഎ അറിയിച്ചു. ബോളിവുഡ് നടി കങ്കണ റണൗത്തും അതേ വിമാനത്തിൽ യാത്ര ചെയ്‌തിരുന്നു. നിരവധി മാധ്യമപ്രവർത്തകർ അന്നേദിവസം വിമാനത്തിലുണ്ടായിരുന്നു.