മൂടൽമഞ്ഞില്‍ മുങ്ങി ഡല്‍ഹി ; 21ട്രെയിനുകൾ വൈകിയോടുന്നു

ഡൽഹിയിൽ ഇന്നത്തെ കൂടിയ താപനില 20 ഡിഗ്രി സെൽഷ്യസും കുറഞ്ഞ താപനില ആറു ഡിഗ്രി സെൽഷ്യസുമായി കാലവസ്ഥാ നിരീക്ഷണ കേന്ദ്രം രേഖപ്പെടുത്തി

ന്യൂഡൽഹി: ഡൽഹിയിൽ കടുത്ത മൂടൽമഞ്ഞ് തുടരുന്നു. മൂടൽമഞ്ഞ് കാരണം 21 ട്രെയിനുകളാണ് വൈകിയോടുന്നത്. ഭുവനേശ്വർ-ന്യൂഡൽഹി, രാജസ്ഥാനി എക്സ്പ്രസ്, അമൃത്സർ-നന്ദേദ്, സച്ച്ഘട്ട് എക്സ്പ്രസ് എന്നീ ട്രെയിനുകളാണ് അഞ്ച് മണിക്കൂർ വൈകി ഓടുന്നത്. അതേസമയം ഡൽഹിയിൽ ശീതകാറ്റ് നിലനില്‍ക്കുന്നതിനാൽ, തുടർച്ചയായ രണ്ടാം ദിവസവും താപനില ഉയര്‍ന്നു.

ഡൽഹിൽ ഇന്നത്തെ കൂടിയ താപനില 20 ഡിഗ്രി സെൽഷ്യസും കുറഞ്ഞ താപനില ആറു ഡിഗ്രി സെൽഷ്യസുമായി കാലവസ്ഥാ നിരീക്ഷണ കേന്ദ്രം രേഖപ്പെടുത്തി. ഡൽഹിയിൽ ഇടിമിന്നലിന് സാധ്യതയുണ്ടെന്നു കാലവസ്ഥാ പ്രവചന കേന്ദ്രം അറിയിച്ചു. വടക്കൻ സമതലങ്ങളിൽ ബുധനാഴ്ച 17-20 ഡിഗ്രി സെൽഷ്യസ് വരെ താപനില രേഖപ്പെടുത്തിയതായി ഐ‌എം‌ഡി അറിയിച്ചിരുന്നു.