ലഖ്‍ന‍‍ൗ: ബിഎസ്പി ജനറല്‍ സെക്രട്ടറി സതീഷ് മിശ്രയുടെ നേതൃത്വത്തിൽ ലഖ്നൗവിൽ വച്ച് നടന്ന ചടങ്ങിൽ വച്ചാണ് ഡാനിഷ് അലി ബിഎസ്പിയിൽ ചേർന്നത്. കോൺഗ്രസ് - ജെഡിഎസ് സഖ്യ ചർച്ചകളിലെ സജീവ സാന്നിദ്ധ്യമായിരുന്നഡാനിഷ് അലികോൺഗ്രസ് ജെഡിഎസ് കോഓർഡിനേഷൻ കമ്മിറ്റി ചെയർമാൻആയിരുന്നു.
ജെഡിഎസ് ജനറൽ സെക്രട്ടറി ഡാനിഷ് അലി ബിഎസ്പിയിൽ ചേർന്നു
തുടർച്ചയായി രണ്ട് തവണ രാജ്യസഭാ സീറ്റ് നിഷേധിച്ചതിൽ ഡാനിഷ് അലി അതൃപ്തനായിരുന്നു. ഇത്തവണ അംറോഹ മണ്ഡലത്തിൽ നിന്ന് ഡാനിഷ് അലി ലോകസഭയിലേക്ക് മത്സരിച്ചേക്കുമെന്ന് സൂചന.
ഡാനിഷ് അലി ബിഎസ്പിയിൽ ചേർന്നു
"ജെഡിഎസില്‍ പ്രവര്‍ത്തിക്കുമ്പോള്‍ താന്‍ പദവികളൊന്നും ആവശ്യപ്പെട്ടിരുന്നില്ല, ദേവഗൗഡ പറയുന്നതനുസരിച്ചാണ് പ്രവര്‍ത്തിച്ചിരുന്നത് എന്നാലിപ്പോൾ ഉത്തര്‍പ്രദേശിലേക്ക് പ്രവര്‍ത്തനം കേന്ദ്രീകരിക്കണമെന്ന ആഗ്രഹത്താലാണ് ബിഎസ്പിയില്‍ എത്തിയിരിക്കുന്നത്, ഈ തീരുമാനത്തിന് ദേവഗൗഡയുടെ അനുമതി ലഭിച്ചിട്ടുണ്ട്" ഡാനിഷ് അലി വ്യക്തമാക്കി. ബിഎസ്പിയിൽ മായാവതി നൽകുന്ന കൃത്യങ്ങൾ ഉത്തരവാദിത്വത്തിൽ നിർവഹിക്കുമെന്നും ഡാനിഷ് അലി പറഞ്ഞു.